Historia e "Shqiptarëve të Egjiptit", ose "Shqiptarët e Misirit", siç ishin të njohur në traditë, është pjesë e historisë kombëtare nga se kolonia shqiptare e Egjiptit, që u formua qysh nga fillimi i shek. XIX dhe u zgjerua dukshëm në gjysmën e dytë të shek. XIX, paraqet një nga vatrat më të rëndësishme të Rilindjes kombëtare shqiptare. 
Libri që keni në duar u përqendrua në kronikat e veprat e historianëve egjiptianë të shekujve XV-XIX, të cilat ofrojnë të dhëna nga burimi për praninë shqiptare në Egjipt. Kështu, vetëm në bazë të këtyre burimeve u zbuluan për herë të parë dy sulltanë shqiptarë të shekullit XV, pra para fillimit të sundimit osman në Egjipt. Nga ana tjetër, duke marrë parasysh monumentet që i ngritën shqiptarët në Egjipt, që kanë vlerë historike, janë shfrytëzuar dy burime specifike: vakëfnamet ose dokumentet themeluese të këtyre monumenteve që ruhen në arkivin e Ministrisë së vakëfit, si dhe regjistrat e gjykatave të sheriatit në Kajro e Aleksandri, që mbajnë të dhëna të ndryshme në lidhje me themelimin dhe funksionimin e këtyre monumenteve. Po ashtu, kemi shfrytëzuar arkivin e shtypit egjiptian në Kajro, kur ruhen gazetat e shekullit XIX, duke filluar nga al-Ahram dhe fillimit të shekullit XX, të cilat kishin të dhëna të vlershme për shqiptarët. Nga ana tjetër, në Arkivin Qendror të Shtetit në Tiranë, është shfrytëzuar fondi i pasur "Shoqëritë shqiptare në Egjipt", por ende ka punë në thesarin e rilindësve shqiptarë të Egjiptit që akoma është në përpunim.

Për gjithë punën më duhet të falëndroj të ndjerin Qerim Haxhiu dhe Vehbi Ismajlin, që më ofruan shumë informacione. Në mënyrë të veçantë duhet ta falëndroj Princin Leka II, i cili më ofroi albumet e familjes mbretërore, dhe posaçërisht Skender Zogun, nip i mbretit Ahmet Zogu,.

Nga Historia E Shqiptareve Te Egjiptit

Ky libër, ne një mënyrë, vjen si rezultat i punës kërkimore që nga viti 1974. I lindur dhe i rritur në mesin e shqiptarëve të Sirisë, shumica e te cilëve u shpërngulën atje pas Luftes Ballkanike dhe midis dy Luftërave Boterore, interesimi shkencor për këtë temë më lindi gjatë studimeve të magjistraturës në Degën e historisë në Universitetin e Prishtinës. 
Për shkak të fushatës së nëntokës që filloi në gazetën "Borba" të Sarajevës e më pas në gazetën "Jedinstvo" të Prishtinës, u detyrova të lija Kosovën e të shkoja për punë në Jordani.

Qëndrimi shumëvjeçar në Jordani (1989-2018), si professor historie në disa universitete jordaneze, paraqet një fazë të pasur rreth punës kërkimore e botuese në këtë fushë. Me fjalë të tjera, gëndrimi në Jordani, prej nga arrihej shumë lehtë në vendet e Lindjes së Mesme (Siria, Libani, Egjipti etj.), më mundësoi të isha pranë burimeve primare të kësaj fushe: regjistrat e gjykatave të sheriatit, që konsiderohen burim i dorës së parë për jetën ekonomiko-shoqërore, dokumentet e botuara dhe të pabotuara, kronikat e kohës, kujtimet e figurave që morën pjesë me vendimmarrje ose dëshmi të ngjarjeve të kohës etj.

Duke marrë parasysh sistemin osman, në të cilin shqiptarët kishin prani të madhe kudo, në viset arabe prej Irakut deri në Algjeri e prej Sirisë deri në Jemen vinin figura shqiptare si guvernatorë, ushtarake, kadilerë, nëpunës të lartë e të tjerë që lane gjurmë në ato vende. Si shembull mjafton këtu të përmendim Mehmet Ali pashë Kavallën ose Mehmet pashë Misirin, i cili nga ushtar i thjeshtë u bê vali i Egjiptit më 1805 dhe arriti ta shndërronte Egjiptin në një fuqi rajonale duke themeluar një dinasti shqiptare që sundoi Egjiptin deri më 1952. Me fjalë të tjera, kemi të bëjmë këtu me tri gjenerata shqiptarësh që njihen në Lindjen e Mesme me emrin ARNAUT.

Lista e librave të autorit Muhamed Mufaku

Nga Historia E Shqiptareve Te Egjiptit

Figura Shqiptare Ne Lindjen E Mesme

Nga Historia E Shqiptareve Te Egjiptit

Figura Shqiptare Ne Lindjen E Mesme